دوسرا ٹیسٹ آج سے راولپنڈی اسٹیڈیم میں کھیلا جائے گا،

پاکستان اور جنوبی افریقا کے درمیان دوسرا ٹیسٹ آج سے راولپنڈی اسٹیڈیم میں کھیلا جائے گا، میچ سے قبل دونوں ٹیمیں پنڈی اسٹیڈیم پہنچ گئی ہیں، سیکیورٹی کے سخت انتظامات کیے گئے ہیں۔

جنوبی افریقا 24 سال بعد پنڈی کرکٹ اسٹیڈیم میں آج ٹیسٹ میچ کھیلے گا، دوسرے ٹیسٹ کیلئے ٹاس 9:30 بجے اور میچ کا آغاز 10بجے ہوگا۔

ٹیسٹ میچ کے آغاز سے قبل دونوں ٹیموں کو نجی ہوٹل سے پنڈی کرکٹ اسٹیڈیم لایا گیا، ٹیموں کے سفر کے دوران جڑواں شہروں میں میٹرو بس سروس معطل رکھی گئی۔

انتظامیہ کے مطابق ٹیسٹ میچ کے سبب اسلام آباد اور پنڈی کے درمیان مخصوص اوقات میں میڑو بس سروس بند رکھنے کا فیصلہ کیا گیا ہے۔

انتظامیہ کا کہنا ہے کہ بس سروس آپریشن آج صبح 8.30 سے 10 بجے تک معطل رہے گا، جبکہ شام5:30 سے 7 بجے تک بھی بس سروس معطل رہے گی۔

انتظامیہ میٹرو بس کے مطابق دیگر اوقات میں میڑو بس معمول کے مطابق چلے گی، تاہم شمس آباد اسٹیشن تمام دن مکمل بند رہے گا۔

Leave a Reply

Your email address will not be published.

Pin It on Pinterest

%d bloggers like this: